1963ء کی فلم شرارت میں مسعودرانا نے اپنا پہلا ہٹ اردو گیت گایا تھا:

• اے دل ، تجھے اب ان سے ، یہ کیسی شکایت ہے ، وہ سامنے بیٹھےہیں ، کافی یہ عنایت ہے..

مسعودرانا کا پہلا ہٹ فلمی گیت فلم شرارت (1963) میں تھا۔

اس گیت کی دھن دیبو بھٹاچاریہ نے بنائی تھی اور اسے مسرورانور نے لکھا تھا۔

یہ گیت جو اصل میں ایک شوخ غزل تھی ، عظیم اداکار محمدعلی پر فلمایا گیا تھا جن کی بطور ہیرو یہ پہلی فلم تھی اور ان پر فلمایا ہوا یہ پہلا پہلا گیت تھا ۔

کراچی میں بننے والی اس فلم کے ہدایتکار رفیق رضوی تھے جن کی مسعودرانا کے ساتھ یہ پہلی فلم تھی۔ انھوں نے اپنی اگلی تینوں فلموں آرزو (1965) ، پھر صبح ہو گی (1967) اور پھر چاند نکلے گا (1970) میں بھی مسعودرانا سے گیت گوائے تھے۔

اس فلم کے فلمساز اقبال شہزاد تھے جبکہ کہانی مقبول جلیس نے لکھی اور مکالمے علی سفیان آفاقی نے لکھے تھے۔

اس ناکام فلم میں محمدعلی کی دو ہیروئنیں تھیں ، لیلیٰ اور بہار جبکہ ولن کا کردار سکندر نے کیا تھا۔

مسعودرانا کے فلم شرارت میں کل 4 گیت

فلم مسٹر ایکس (1963) کے گیت

مسٹر ایکس (1963)

اسی سال محمدعلی کی بطور ہیرو دوسری فلم مسٹر ایکس بھی ریلیز ہوئی تھی جس میں مسعودرانا کے تین گیت اور تھے جو تین مختلف شاعروں ، موج لکھنوی ، شور لکھنوی اور ایس اے غفار کے لکھے ہوئے تھی جن کی دھنیں موسیقار لال محمد اقبال کی جوڑی نے بنائی تھیں۔

اس فلم میں محمدعلی کی ہیروئن ناصرہ تھی جس کی بطور ہیروئن پہلی فلم تھی جبکہ ولن ادیب تھے۔

یہ ایک جاسوسی فلم تھی جس کے ہدایتکار اور کہانی نویس ایس اے غفار تھے جن کی کل دو میں سے یہ پہلی اردو فلم تھی۔ اس فلم کے فلمساز عثمان کھیتانی تھے جن کی کل تین فلمیں تھیں۔

مسعودرانا کے فلم مسٹر ایکس میں کل 3 گیت